Loredana festoi ditëlindjen e saj me një mbrëmje të organizuar mes miqsh të afërt, familjarësh dhe ish-banorëve të Big Brother VIP Albania.
Megjithatë, ajo që ra më shumë në sy nuk ishte vetëm festa madhështore, por disa detaje që nuk kaluan pa u komentuar në rrjet.
Së pari, mungesa e partnerit të saj, Joz Markut, u vu re menjëherë, duke ngjallur spekulime për një ftohje mes çiftit pas daljes së tij nga BBVA dhe debatit të fortë me Gjestin.
Por ajo që mori më së shumti vëmendje ishte afrimiteti i G-Banit me Valbonën. Në një video që po qarkullon në rrjete sociale, ata shfaqen duke kërcyer së bashku në një mënyrë tepër të afërt dhe sensuale.
Ky moment ka ndezur menjëherë thashethemet për një romancë të mundshme mes tyre.
Thashethemet nuk janë të reja: vetëm pak ditë më parë, dyshja u panë bashkë në një takim të përfolur si romantik, ndonëse asnjëri prej tyre nuk e ka komentuar publikisht.
Kujtojmë se gjatë qëndrimit në shtëpinë e BBVA, Valbona dhe G-Bani nuk kishin marrëdhënie të mira, por duket se jashtë shtëpisë, raporti mes tyre ka marrë një tjetër kthesë.
