Pas përfundimit të “Big Brother VIP Albania”, marrëdhënia mes
Gjestit dhe Eglit ka qenë në qendër të vëmendjes së ndjekësve, sidomos për faktin që çifti nuk është parë publikisht bashkë.
Kjo ka nxitur spekulime se ata mund të jenë ndarë ose që nuk janë takuar fare pas daljes nga formati.
Por së fundmi, një mikeshë e afërt e këngëtares Egli Tako ka folur për situatën, duke zbuluar të vërtetën pas zërave që qarkullojnë. Sipas saj, Egli ndodhet aktualisht në Prishtinë, dhe është pikërisht pranë Gjestit.
Ajo mohoi kategorikisht lajmet se Egli ka shkuar në Kosovë por nuk është takuar me Gjestin, duke theksuar se dyshja thjesht po zgjedhin të qëndrojnë larg syve të publikut për momentin.
Më tej, ajo shtoi se arsyeja pse janë bërë më diskretë është sepse çifti po punon për projekte të përbashkëta, të cilat pritet të publikohen së shpejti.
Kështu, ndjekësit duhet të presin pak më shumë për të parë sërish Gjestin dhe Eglin bashkë — këtë herë jo më në shtëpinë e “BBVA”, por ndoshta në ndonjë bashkëpunim muzikor.
