Mbrëmja e djeshme në “BBV Fan Club” ndezi debat virtual mes opinionistit Ronaldo Sharka dhe aktorit Jul Deda, pas një krahasimi që Ronaldo bëri mes Rozana Radit dhe Julit,
duke u shprehur se të dy, ndonëse pjesë e rëndësishme e edicioneve të “Big Brother VIP”, nuk kanë qenë një imazh fituesi.
“Po të pyesësh njerëzit sot çfarë ka bërë Juli në ‘Big Brother’, e mbajnë mend që ka qenë aty, por nuk dinë një ‘highlight’ (moment kyç)”, deklaroi Ronaldo.
Kjo deklaratë solli reagimin e menjëhershëm të Julit, i cili në një postim thumbues në InstaStory shkroi se Ronaldo do të mbahet mend vetëm për faktin që “leu flokët si Luizi” dhe që “jargavitej” për të marrë pak famë.
Por përplasja nuk përfundoi me kaq. Ronaldo Sharka ka reaguar sërish, këtë herë me një mesazh të gjatë dhe të drejtpërdrejtë ndaj Julit, ku thekson se nuk e ka parë asnjëherë të shkëlqejë – as në aktrim, as në politikë dhe as në “BBV”.
“Dy fjalë për Jul Dedën:
E vetmja heré në jetën time që kam qeshur me Jul Dedën, ishte në podin final kundër Egla Cenos dhe ku besonte realisht që mund të fitonte BBV3.
Julo, ti nuk shkëlqen plak, as në aktrim, as në politikë dhe nuk shkëlqeve as në BBV, edhe pse ishe më shumë se dyfishi i moshës time kur e bëre atë përvojë e u mbështete edhe tek emri yt Big.
Të rikujtoj që fushatën e lyerjes së flokëve biond e nisi vëllai jot Julo, si kryefans i Luizit.
Unë paguhem prej dy vitesh për të komentuar BBVip dhe nuk i kam bërë komentet në TIKTOK ashtu sikur ti.
Dhe e fundit, si një figurë publike televizive që je, më vjen keq që nuk pranon mendimet me argumenta dhe kalon në denigrim personal. Kjo nuk të falet, se je edhe aktor i dekoruar me titullin ‘Mjeshtër i Madh’.
Këtë vit nuk je në terezi plak dhe ke lënë namë, të gjithë po e shquajnë.”
