Fituesi i edicionit të sivjetëm të Big Brother VIP Albania, Gjesti,
ka bërë një reagim emocionues në rrjete sociale pas përfundimit të spektaklit dhe në ditën e tij të lindjes.
Në një postim në Instagram, Gjesti ka shprehur mirënjohjen e tij për Zotin, familjen dhe të gjithë ndjekësit që e kanë përkrahur gjatë këtij rrugëtimi intensiv.
“Ky vit i ka pasë krejt: emocione, presion, rritje, bekime… gjithçka. Faleminderit Zot që jam shnosh e mirë, e që i kom mrrî 25 vjet! Faleminderit familja jem që m’keni rrite me shumë dashni,” ka shkruar ai.
Ai gjithashtu ka falënderuar secilin prej ndjekësve për dashurinë dhe urimet për ditëlindjen e tij, duke theksuar se edhe pse nuk mund t’i kthejë personalisht të gjithë, i sheh dhe i vlerëson.
Ky reagim i sinqertë ka marrë mijëra pëlqime dhe komente pozitive, duke treguar mbështetjen dhe dashurinë që publiku vazhdon të ketë për të.
